S’erste Mau ztue gha zäme hei mir nämlech im MuKi-Turne. Ja, das isch scho e richtigi Ewigkeit häär… Mit vieri si mir de sogar zäme id Spiugruppe. Dr Marco isch zwar eher dä gsi, wo gärn mit de Fraue köcherlet het, während däm dr Tinu isch go wärche. So hei mir nid viu Berüehrigspünkt gha. Au ir Jungschi, wo mir ir gliche Gruppe si gsi, hei mir nid viu vonenang weue wüsse. Ehrlech gseit, hei mir gägesitig gmeint, mir heige enang nid so gärn. Das het sich de spötistens im Johr 2008 ir Jugendmusig wiederleit und mir hei s’erste Mau richtig mitenang gredet und gmerkt, das es doch nid so schlimm isch wie dänkt 🙂 So si mir enang de au nöcher cho und hei üs richtig lehre kenne. Und was de passiert isch, das isch e laaangi Gschicht, wo mitlerwiile hunderti Site het und bereits über 14 Johr ahautet.

Wo de im letschte Johr klar isch gsi, das mir chöi hürote, het dr Marco nid lang gwartet und d’Glägeheit gnützt, am Tinu e Hürotsatrag z’mache. Und jetzt wirds am 23. Septämber sowit si – und das wei mir mit euch zäme fiire!